काठमाडौं, वैशाख ३
काठमाडौं उपत्यकामा ट्राफिक प्रहरीले पछिल्लो २४ घण्टामा ट्राफिक नियम उल्लंघन गर्ने २ हजार १११ चालकलाई कारबाही गरी रु ५ लाख ६५ हजार राजस्व असुली गरेको छ । नियम उल्लङ्घन गरी राइड सेयरिङ सेवा सञ्चालन गरेकोमा १८४ जनालाई कारबाही गरिएको थियो।
यसैगरी १०३ चालकलाई ट्राफिक संकेत नमानेको र २२२ जनालाई ओभरस्पीड गरेकोमा जरिवाना गरिएको छ।
लेनमा अनुशासन नमान्ने १३८, निषेधित क्षेत्रमा हर्न बजाउने ६७ र फुटपाथमा पार्किङ गर्ने ८६ चालकलाई पनि प्रहरीले कारबाही गरेको छ।
यसका अतिरिक्त ४२ चालकलाई तोकिएको स्थानमा यात्रु उठाउने र खसाल्ने गरी कारबाही गरिएको छ भने अन्य १ हजार १६० जनालाई विभिन्न ट्राफिक नियमावलीमा कारबाही गरिएको छ।