News Summary
Generated by OK AI. Editorially reviewed.
- नेकपा एकीकृत समाजवादीको केन्द्रीय कमिटी बैठकमा पार्टी एकताको प्रस्तावमा साझा मत बन्न नसक्दा बैठक सौहार्दपूर्ण समापन हुन सकेन।
- अध्यक्ष माधवकुमार नेपालले माओवादी सहितका शक्तिहरुसँगको एकता प्रक्रिया नरोकिने निर्णय लिए र सचिवालय बैठकबाट निर्णय हुने जानकारी दिए।
१४ कात्तिक, काठमाडौ । नेकपा एकीकृत समाजवादीको केन्द्रीय कमिटी बैठक सौहार्दपूर्ण समापन हुन सकेन ।
वरिष्ठ नेता वेदुराम भुसालले राखेको पार्टी एकताको प्रस्तावमा साझा मत बन्न नसक्दा पूर्वप्रधानमन्त्री झलनाथ खनाल बोल्दाबोल्दै बैठक समापन भयो । तीन दिनसम्म चलेको बैठकमा खनाल सहित महासचिव घनश्याम भूसाल पक्षधर नेताहरुले नेतृत्व पुनर्गठन नगरी एकतामा जान नहुने अडान लिएका थिए ।
तर अध्यक्ष माधवकुमार नेपालले माअेवादी सहितका शक्तिहरुसँग हुने एकता प्रक्रिया नरोकिने निर्णय लिए । ‘यो सुटुक्क र व्यक्तिगत रुपमा एकता गरेको पनि होइन । सचिवालय, स्थायी कमिटीको निर्णय अनुसार वार्ता टोली बनाएर बकाइदा एकता प्रक्रिया प्रक्रिया बढाइएको हो,’ बैठक समापन गर्दै नेपालले भने ।
बाचुञ्जेल नेतृत्वमा बस्ने रहर पनि आफूसँग नरहेको अध्यक्ष नेपालले तर्क गरेका थिए । ‘मैले प्रचण्डलाई ३६/४० वर्ष भयो नेतृत्व छोड्नुस् भनेको छु । म पनि संसार घुम्न मन छ, नेतृत्वमा बस्दिनँ,’ उनले भने । यति भनेपछि अध्यक्ष नेपालले सचिवालय बैठकबाट एकताबारे निर्णय हुने जानकारी पनि दिए ।
‘धेरै जोडकोण मिलाउन बाँकी छ । सचिवालयमा बसेर हामी त्यो निर्णय लिन्छौ,’ माधव नेपालले यति आफ्नो प्रतिवेदन पारित गराउने अनुमति मागेका थिए । तर पूर्वप्रधानमन्त्री खनालले असहमतिमा बोले ।
‘हाहा, हुहुले हुँदैन । मैले ३० बुँदाको दस्तावेज रोखेको छु,’ खनालले भन्दै थिए । तर यतिमै माइक काटियो र बैठक सकियो । ‘माइक काटिएपछि बैठक सकिएको जानकारी भयो, हामी हिड्यौ,’ एक नेताले भने ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More