काठमाडौं, भदौ ६
ललितपुरको ग्वार्को फ्लाईओभरको पर्खालमा बिहीबार यात्रुबाहक बस ठोक्किँदा एक महिलाको मृत्यु भएको छ भने १९ जना घाइते भएका छन् ।
भक्तपुरबाट सातदोबाटो जाँदै गरेको बा २ ख ३५९० नम्बरको बस फ्लाईओभरको पर्खालमा ठोक्किएको प्रहरीले जनाएको छ।
ललितपुर जिल्ला प्रहरी परिसरका प्रहरी उपरीक्षक गौतम मिश्राका अनुसार मृत्यु हुनेमा ४० वर्षीया महिला रहेको छ ।
घाईते १९ यात्रुको विभिन्न अस्पतालमा उपचार भईरहेको छ।
प्रहरीले प्रारम्भिक अनुसन्धानमा अत्याधिक गतिका कारण दुर्घटना भएको हुन सक्ने बताएको छ ।