News Summary
Generated by OK AI. Editorially reviewed.
- क्यानडाको ओन्टारियो प्रान्तमा २७ वर्षीया पन्जाबी युवती अमनप्रीत कौरको हत्या भएको छ।
- नायग्रा रिजनल पुलिस सर्भिसले मनप्रीत सिंहमाथि पक्राउ पुर्जी जारी गरेको छ र उनी फरार छन्।
- अमनप्रीतको शव अक्टोबर २१ मा लिङ्कन शहरको चार्ल्स डेली पार्कमा भेटिएको थियो र पोस्टमार्टम रिपोर्ट पूरा भइसकेको छ।
११ कात्तिक, काठमाडौं । क्यानडाको ओन्टारियो प्रान्तमा २७ वर्षीया पन्जाबी युवती अमनप्रीत कौरको हत्या भएको छ ।
नायग्रा रिजनल पुलिस सर्भिस (एनआरपीएस) ले सो घटनामा संलग्न भएको आरोपमा मनप्रीत सिंह नामका व्यक्तिमाथि पक्राउ पुर्जी जारी गरेको बीबीसीको पञ्जाबी संस्करणले जनाएको छ ।
प्रहरीका अनुसार अमनप्रीत कौरको शव गत अक्टोबर २१ का दिन लिङ्कन शहरको चार्ल्स डेली पार्कमा भेटिएको थियो । उनको शरीरमा गम्भीर चोटका निशानहरू थिए ।
प्रारम्भिक अनुसन्धानपछि प्रहरीले यो हत्या निशाना बनाएर गरिएको हुनसक्ने आशंका गरेको छ ।
घटनापछि र्ब्याम्पटनमा बस्दै आएका आरोपी मनप्रीत सिंह देश छोडी फरार भएका छन् । प्रहरीले उनको खोजी गरिरहेको क्यानडाका स्थानीय सञ्चारमाध्यमहरूले जनाएका छन् ।
अमनप्रीत कौर पन्जाबको संगरूर जिल्लामा बस्दै आएकी थिइन् । उनी सन् २०२१ मा उच्च शिक्षा अध्ययन र रोजगारीका लागि क्यानडा गएकी थिइन् । त्यहाँ उनले ओन्टारियोस्थित एक अस्पतालमा काम गर्दै आएकी थिइन् ।
उनका परिवारका अनुसार अमनप्रीत स्थायी आवास (पीआर) प्रक्रिया पूरा गरी छिट्टै भारत फर्कने तयारीमा थिइन् ।
‘छोरी स्थायी जागिरमा थिई, सबै कुरा ठीक चलिरहेको थियो । यस्तो घटना हुन्छ भन्ने कल्पनासम्म गर्न सकेनौं । उनी भारत फर्केर विवाह गर्ने योजना बनाउँदै थिई,’ अमनप्रीतका पिता इन्दरजित सिंहले बीबीसी पञ्जाबीसँग भने ।
उनका अनुसार अमनप्रीतसँग अन्तिमपटक २० अक्टोबरको रातमा कुराकानी भएको थियो, त्यसपछि सम्पर्क टुट्यो । अमनप्रीतको कोही विवाद भएको बारे पनि आफूहरूलाई थाहा नभएको परिवारजनले बताएका छन् ।
नायग्रा रिजनल पुलिस सर्भिसको होमिसाइड युनिटले घटनाको अनुसन्धान गरिरहेको छ ।पोस्टमार्टम रिपोर्ट पूरा भइसकेको छ र प्रहरीले जनसुरक्षामा तत्काल कुनै खतरा नरहेको जनाएको छ ।
‘जो कोहीसँग पनि यस घटनाबारे कुनै जानकारी छ भने कृपया तत्काल प्रहरीलाई सम्पर्क गर्नुहोस्,’ प्रहरीले सूचना जारी गर्दै भनेको छ ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More