काठमाडौं, फागुन ६
काठमाडौंका विभिन्न निर्वाचन क्षेत्रमा राष्ट्रिय स्वतन्त्र पार्टी (रासपा)ले प्रारम्भिक मतगणनामा अग्रता लिएको छ ।
काठमाडौं–६ मा राप्रपाका उम्मेदवार शिशिर खनाल ४ हजार २९२ मतले अगाडि रहेको निर्वाचन अधिकृत चपला पोखरेलले जानकारी दिए । त्यसैगरी नेपाली कांग्रेसका उम्मेदवार कृष्ण बानियाँले १ हजार १८० मत प्राप्त गरेका छन् भने नेकपा (एमाले)का उम्मेदवार अमनकुमार मास्केले १ हजार ८६ मत ल्याएका छन् ।
काठमाडौं–७ मा राप्रपाका उम्मेदवार गणेश पराजुलीले ४ हजार ६७७ मत ल्याएको निर्वाचन अधिकृत सविता शर्माले बताइन् । नेकपा (एमाले)का उम्मेदवार प्रकाश श्रेष्ठले ९०४ मत ल्याएका छन् भने नेपाली काँग्रेसका प्रमोधारी गुरागाईंले ७२० मत प्राप्त गरेका छन् ।
काठमाडौं–८ बाट प्रारम्भिक मतगणना अनुसार राप्रपाका विराजभक्त श्रेष्ठले ७ हजार ६१७ मत ल्याएर अग्रता कायम राखेका छन् भने नेपाली कम्युनिष्ट पार्टीका सुमन सायमीले ९३८ मत प्राप्त गरेका छन् । निर्वाचन अधिकृत सम्झना खनालका अनुसार नेपाली कांग्रेसकी सपना राजभण्डारीले ८९३ मत प्राप्त गरेकी छन् ।
काठमाडौं–१० मा राप्रपाका उम्मेदवार प्रदीप विष्टले ५ हजार ७ सय ६५ मत ल्याएर अगाडि रहेको छ भने नेपाली काँग्रेसका हिमाल कार्कीले १ हजार ७८ मत प्राप्त गरेको निर्वाचन अधिकृत अमृता शर्माले बताए । राष्ट्रिय प्रजातन्त्र पार्टीका बलराम थापाले ९५३ मत प्राप्त गरेका छन् ।