काठमाडौं, वैशाख ९
नेपाल कम्युनिष्ट पार्टी (एमाले)का अध्यक्ष एवं पूर्वप्रधानमन्त्री केपी शर्मा ओली उपचारका लागि केही दिन अस्पतालमै बस्ने भएका छन् ।
उनी आज प्रहरी हिरासतबाट रिहा भएका छन्। जनरल जेड आन्दोलन घटना छानबिन गर्न गठित उच्चस्तरीय आयोगको प्रतिवेदनका आधारमा ओलीलाई अनुसन्धानका लागि हिरासतमा राखिएको थियो । उनी पक्राउ परेदेखि नै अस्पतालमा उपचार गराउँदै आएका थिए।
सरकारले पूर्वाग्रही र प्रतिशोधात्मक ढंगले फौजदारी अभियोग लगाएर १३ दिनसम्म गैरकानूनी हिरासतमा राखे पनि कुनै ठोस आधार वा प्रमाण नपुगेका कारण मुद्दा अघि बढाउन नसक्दा उनलाई रिहा गरिएको अध्यक्ष ओलीले बताए ।
सर्वोच्च अदालतको फैसलाबमोजिम रिहा भएपछि अध्यक्ष ओलीले आफ्नो रिहाइको पक्षमा सामाजिक सञ्जालमा आवाज उठाउने सबैप्रति कृतज्ञता व्यक्त गरे।