२४ वर्षको उमेरमा एकल आमा बनेकी सुष्मिता सेनले किन विवाह गरिनन् ?

मुम्बई । प्रसिद्ध बलिउड अभिनेत्री तथा पूर्वमिस युनिभर्स सुष्मिता सेन बुधबार ५० औं जन्मदिन मनाउँदै छिन् ।

उमेरको यो चरणमा पनि, सुष्मिताले आफ्नो जीवन उही जोशका साथ बिताइरहेकी छिन्, जहाँ प्रायः महिला विवाह पछि जीवनमा सबै कुरा पुगेको महसुस गर्छन् ।

हालैको एक अन्तर्वार्तामा स्वतन्त्र सोच र सामाजिक मान्यता तोड्ने साहस भएकी सेनले विवाह किन उनको ‘गर्नुपर्ने सूची’ मा छैन र उनी किन एकल व्यक्तिको रूपमा जीवन बिताइरहेकी छिन् भन्ने बारेमा कुरा गरेकी छन् ।

दुई छोरीलाई धर्मपुत्री बनाएर एकल आमा बन्ने निर्णय गर्दा उनी केवल २४ वर्षकी थिइन् । सुष्मिताले आफ्ना छोराछोरीमार्फत पारिवारिक सन्तुष्टि पाइरहेकी बताएकी छिन् ।

सुष्मिता आफ्नो इमान्दार व्यक्तित्व र स्पष्टवक्ता शैलीका लागि परिचित छिन् । बच्चा धर्मपुत्रको रुपमा ग्रहण गरेपछि उनी २४ वर्षको उमेरमा एकल आमा बनिन् । उनले सन् २००० मा पहिलो छोरी रेनीलाई र सन् २०१० मा दोस्रो छोरी अलिसालाई धर्मपुत्र बनाइन् ।

उनले आफू सिंगल रहेको र विवाह नगर्ने बारेमा पनि सुनिएकी छन् ।

सन् २०२३ मा हेल्थ सट्ससँगको अन्तर्वार्तामा सुष्मिताले भनिन्, ‘मेरो जीवनको सबैभन्दा ठूलो आवश्यकता मेरो स्वतन्त्रता हो । म एक स्वतन्त्र व्यक्ति हुँ । म जे गर्छु, त्यो मेरो हृदयबाट गर्छु, कसैले मबाट यो अपेक्षा गरेकोले होइन ।’

अविवाहित र स्वतन्त्र हुनुको बारेमा कुरा गर्दै उनले भनिन्, ‘म अविवाहित छु किनभने मैले अहिलेसम्म कसैलाई भेटेको छैन जससँग म मेरो जीवन बिताउन चाहन्छु । जीवनमा प्रेमको कुनै कमी छैन, जुन अद्भुत छ र जो सोच्छन् कि भारतीय संवेदनशीलता विवाहसँगै आउँछ, मेरा दुई सुन्दर बच्चाहरू छन् ।’

उनले भनिन्, ‘मैले उनीहरूलाई एक्लै हुर्काएको छु, मलाई जीवनमा कुनै कुराको कमी महसुस छैन ।’ आफ्नै शर्तमा जीवन बिताउने बारेमा कुरा गर्दै सुष्मिताले भनिन्, ‘मैले आफ्नै शर्तमा जीवन बिताउने छनोट गरिनँ । यो आफ्से-आफ भयो । मैले बिस्तारै मेरो वरपरका मानिसको फरक विचारबारे सिकेको छु र आफैलाई सोधेको छु, ‘म के चाहन्छु ?’ म सबैको कुरा सुन्छु र जे चाहन्छु त्यही गर्छु । त्यसैले म आफ्नै शर्तमा जीवन बिताउन सक्षम छु ।’