अभिनेता राम चरण अभिनीत फिल्म ‘पेड्डी’ को ‘चिकिरी चिकिरी’ गीत यतिबेला विश्वव्यापी चर्चामा छ। नेपालमा पनि यो गीत पछ्याउँदै यतिबेला थुप्रैले रिल्स र टिकटक भिडिओ बनाइरहेका छन्। जसमध्ये नेपाली चर्चित मोडल आश्मा विश्वकर्माले बनाएको भिडिओले निकै चर्चा पाइरहेको छ। यो गीत भाइरल नै बनेको छ।
‘चिकिरी चिकिरी’ गीतमा आश्माको पहिरन, डान्स स्टेप र हाउभाउ निकै आकर्षक देखिन्छ। आश्माका फ्यानहरूले यो भिडिओलाई निकै मन पराएका छन्। उनले आफ्नो फेसबुक पेजमा पोस्ट गरेको भिडिओले १ करोड २० लाखभन्दा बढी भ्यूज पाएको छ। त्यस्तै, टिकटकमा उनको उक्त भिडिओलाई बिहीबार दिउँसोसम्म ६३ लाखभन्दा बढीले हेरेका छन्।
भिडिओमा थुप्रै सेलिब्रेटीहरूले समेत प्रतिक्रिया जनाएका छन्।
‘चिकिरी चिकिरी’ मा एआर रहमानले संगीत दिएका छन् भने यसमा मोहित चौहानको स्वर रहेको छ।