फिल्म ‘चंगा चेट’ मा समावेश लोकप्रिय गीत ‘गोजीमा दाम छैन’ ले युट्युबमा १० करोड भ्युजको आँकडा पार गर्न सफल भएको छ।
सात वर्षअघि ओएसआर डिजिटलको अफिसियल युट्युब च्यानलमार्फत सार्वजनिक गीतले एक सय मिलियन भ्युज पाएको हो।
फिल्म ‘चंगा चेट’ को यस गीतमा राजनराज शिवाकोटीको संगीत रहेको छ। राजनराज शिवाकोटी, मेलिना राई र गृष्मा शिवाकोटीले स्वर दिएको गीतको शब्द हरिहर तिमल्सिनाका हुन्।
‘गोजीमा दाम छैन’ को भिडिओमा फिल्मका प्रमुख कलाकारहरू प्रियंका कार्की, सन्दीप क्षेत्री, आयुष्मान देशराज जोशी, परमिता राणा, रबिन्द्र झा र सुरक्षा पन्त फिचर छन्। भिडिओको कोरियोग्राफी प्रविन सिंहले गरेका हुन् भने निरज कंडेलले डीओपीका रूपमा काम गरेका छन्।