काठमाडौं, पुस २५
पूर्व गृहमन्त्री रमेश लेखकले जेनजेड आन्दोलनको छानबिन गर्न गठित छानबिन आयोगमा उपस्थित हुने बताएका छन्।
आइतबार पार्टी कार्यालय सानेपामा नेपाली कांग्रेस केन्द्रीय कार्यसमितिको बैठकपछि सञ्चारकर्मीसँग कुरा गर्दै लेखकले सोमबार आयोगसमक्ष उपस्थित हुने योजना रहेको बताए।
“आयोगले मलाई शुक्रबार पत्र पठाएर बयान रेकर्ड गर्न अनुरोध गरेको र सोमबार उपस्थित हुने कुरा पुष्टि गरेको छु,” उनले भने।