काठमाडौं, भदौ १३
संघको कार्यसमितिको आज काठमाडौंमा बसेको बैठकले मिडिया एक्सन नेपालको नयाँ अध्यक्षमा मिडिया अनुसन्धानकर्ता उमेश पोखरेललाई चयन गरेको छ ।
पोखरेल मिडिया र विकास क्षेत्रमा व्यापक अनुभव भएका मिडियाकर्मी र अनुसन्धानकर्ता हुन्। उनले यसअघि इन्टरनेशनल फेडेरेसन अफ जर्नलिस्ट (IFJ) को दक्षिण एसिया संयोजकका रूपमा काम गरिसकेका छन् भने जर्मनीको DW Akademie मा अनुसन्धान सल्लाहकारको रूपमा पनि काम गरिसकेका छन्। उनको पृष्ठभूमि मिडिया अनुसन्धान, पत्रकारिता, मिडिया विकास, प्रेस स्वतन्त्रता र पत्रकारको अधिकारलाई दक्षिण एसियामा विशेष ध्यान दिएर फैलिएको छ।
कार्यभार सम्हालेपछि उनले भने, “म मिडिया एक्सन नेपालको हिस्सा बन्न पाउँदा र यसको मिशन, भिजन, लक्ष्य र प्राथमिकताहरूमा विशेष गरी अभिव्यक्ति स्वतन्त्रताको प्रवर्द्धनमा योगदान गर्न पाउँदा खुसी छु।”
नवनिर्वाचित अध्यक्षलाई स्वागत गर्दै मिडिया एक्सन नेपालका संस्थापक अध्यक्ष डा लक्ष्मण दत्त पन्तले पोखरेलको नेतृत्वमा संस्थाले मिडियाको विकास, प्रेस स्वतन्त्रता, सूचनाको हक र अभिव्यक्ति स्वतन्त्रताका प्रमुख क्षेत्रहरूमा आफ्नो कामलाई निरन्तरता दिने विश्वास व्यक्त गरे। नेपाल ।