नारायणदत्त कँडेलको महान्यायाधिवक्तामा नियुक्तिलाई चुनौती दिने रिट निवेदनमा सर्वोच्च अदालतले कारण देखाउ नोटिस जारी गरेको छ । निवेदनमा डा कँडेलको पदका लागि योग्यतामाथि प्रश्न उठेको छ।
न्यायाधीश कुमार रेग्मीको एकल इजलासले बिहीबार यस्तो आदेश दिएको हो।
सर्वोच्च अदालतका प्रवक्ता अर्जुनप्रसाद कोइरालाका अनुसार अन्तरिम आदेश जारी गर्ने कि नगर्ने भन्ने विषयमा सुनुवाइका लागि दुवै पक्षलाई वैशाख ३० मा हाजिर हुन बोलाइएको छ ।
कँडेलको नियुक्तिविरुद्ध बुधबार तीनवटा छुट्टाछुट्टै रिट निवेदन परेको थियो। बिहीबार प्रारम्भिक सुनुवाइपछि अदालतले कारण देखाउ नोटिस जारी गरेको हो।
डा. कँडेलको योग्यतालाई चुनौती दिने अधिवक्ता शिवराज बराल, माधव बस्नेत र दीपक जोशीले निवेदन दिएका थिए।