१४ कात्तिक, काठमाडौं । युवा तथा खेलकुद मन्त्री बब्लु गुप्ताले युवाका लागि प्रभावकारी र नतिजामुखी कदम चाल्नुपर्ने बताएका छन् ।
मन्त्री गुप्ताले सरकार जेनजी आन्दोलनमा अभिव्यक्त युवाको भावना वमोजिम अघि वढ्ने बताए ।
शुक्रवार राष्ट्रिय युवा परिषदसँगको ब्रिफिङ्मा निर्देशन दिँदै मन्त्री गुप्ताले भने, ‘युवाका आकांक्षा धेरै छन्, क्रमश: सम्बोधन गर्ने प्रयास गर्दै जानुपर्दछ ।’
सिंहदरबारस्थित युवा तथा खेलकुद मन्त्रालयको सभाहलमा आयोजित कार्यक्रममा मन्त्रालय र परिषदका पदाधिकारी सहभागी थिए ।
परिषद्का कार्यकारी उपाध्यक्ष सुरेन्द्र बस्नेतले ७५३ वटै पालिकामा स्थानीय युवा परिषद गठन गर्नुपर्ने वताए। वस्नेतले परिषदद्वारा युवाको नेतृत्व विकास र उद्यमशीलता विकासमा जोड दिइँदै आएको बताए ।
बस्नेतले युवाको अपेक्षा र युवा परिषद्को स्रोत साधनबीच ठूलो खाडल रहेको जनाए ।
युवा तथा खेलकुद मन्त्रालयका सचिव डा. हरिप्रसाद लम्सालले सवै स्थानीय तहमा युवा परिषद गठन गरेर युवामैत्री स्थानीय शासन प्रवर्द्धन गर्नुपर्ने बताए ।
कार्यक्रममा परिषदका प्रशासकीय प्रमुख गेहनाथ गौतमले परिषदको परिचयसहित गत आर्थिक वर्ष र चालु आर्थिक वर्षको कार्यक्रम विवरण प्रस्तुत गरेका थिए ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More