News Summary
Generated by OK AI. Editorially reviewed.
- अभिनेता केदार घिमिरेले ३ कात्तिकमा हेलमेट लगाएका दुई युवायुवतीको फोटो फेसबुकमा पोस्ट गरी ट्राफिक नियम पालनाको सन्देश दिएका थिए।
- उनले कमेन्टमा लेखे, ‘यसको उत्तर हो- लुकिङ ग्लास लुज भएर फनफनी घुमिरहेको थियो’ र सामाजिक सञ्जालमा माफी मागेका छन्।
- धेरैले अनुमति बिना फोटो खिच्नु साइबर अपराध भएको र सामाजिक सञ्जालमा दुरुपयोग नगर्न सुझाव दिएका छन्।
काठमाडौं । अभिनेता केदार घिमिरे ‘माग्ने बुढा’ले ३ कात्तिकमा एउटा फोटो फेसबुकमा पोस्ट गरे । फोटो हेर्दा हेलमेट लगाएका दुई युवायुवतीलाई ट्राफिक प्रहरीले रोकेर केरकार गरेकोजस्तो देखिन्छ ।
क्याप्सनमा उनले लेखेका थिए, ‘दुबैजनाले हेलमेट लगाउँदा पनि रोक्नुको कारण के हुनसक्छ ? अनुमान लगाउनूस ।’ उनले यो क्याप्सनमा ‘ट्राफिक नियम पालना गरौं’ र उनी अभिनित फिल्म ‘जेरी अन टप’ ह्यासट्याग पनि उल्लेख गरेका छन् ।
अनि कमेन्टमा उनले लेखेका थिए, ‘यसको उत्तर हो- लुकिङ ग्लास लुज भएर फनफनी घुमिरहेको थियो ।’
माग्ने बुढाले उक्त पोस्ट गरेपछि सामाजिक सञ्जालमा उक्त फोटोलाई सेयर गर्दै धेरै पेज र व्यक्तिले गलत अर्थ लाग्ने गरि भाइरल तुल्याउन थाले । कतिपयले धरानमा ट्राफिक चेकजाँचको क्रममा एकजना ट्राफिकले आफ्नो श्रीमतीलाई अर्कैको मोटरसाइकलमा भेटेको भनेर पनि लेखे ।
यसरी, उक्त फोटो यथार्थभन्दा पुरै भिन्न रुपमा सेयर हुन लाग्यो । यो घटनाक्रममा माग्ने बुढाले सामाजिक सञ्जालमार्फत माफी मागेका छन् । आफूले जनचेतनामूलक सन्देशको लागि उक्त फोटो पोस्ट गरेको दाबी केदारले गरेका छन् ।
‘यसबाट हुन गएको मानमर्दनप्रति क्षमाप्रार्थी छु’ उनले लेखेका छन् ।
माग्ने बुढाको यो पोस्टमा धेरैले टिप्पणी गरिरहेका छन् । थोमस तेजु नामक एक प्रयोगकर्ता लेख्छन्, ‘समाजमा भोलि त्यसको प्रभाव के हुन्छ भन्ने सम्मको हेक्का नहुनेले किन बाठो पल्टिनु ? तपाईंको कलाकारिता ठीक छ तर, हर्कत अलि बढी उरेन्ठाउलो ।’
कृष्ण ढकाल लेख्छन्, ‘अरुको फोटो खिचेर सामाजिक सञ्जालमा फिल्म चलाउनको लागि दुरुपयोग गर्नु हजुरजस्तो वरिष्ठ कलाकारलाई शोभा दिँदैन । आगामी दिनमा ख्याल गर्नुहोला ।’ कतिपयले अनुमति बिना फोटो खिच्नु साइबर अपराध रहेको भन्दै माग्ने बुढाको ध्यानाकर्षण गराएका छन् ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More