काठमाडौं, १५ चैत
प्रधानमन्त्री सुशीला कार्कीसँग नेपाली काँग्रेसका सभापति गगनकुमार थापाले आइतबार भेट गरेका छन् ।
प्रधानमन्त्री कार्कीसँग उपसभापति विश्वप्रकाश शर्मा र पुष्पा भुसालसहितको नेपाली कांग्रेसको प्रतिनिधिमण्डलले उनको सरकारी निवास बालुवाटारमा भेट गरेको थियो । बैठकमा गृहमन्त्री ओमप्रकाश अर्यालको उपस्थिति रहेको प्रधानमन्त्री सचिवालयले जनाएको छ।
बैठकमा प्रधानमन्त्री कार्कीले माघ ५ गते हुने प्रतिनिधिसभाको निर्वाचनलाई सफल बनाउन कांग्रेसले निर्वाह गरेको सहयोगी भूमिकाका लागि धन्यवाद ज्ञापन गर्नुभएको सचिवालयले जनाएको छ ।
प्रधानमन्त्रीका प्रेस सल्लाहकार रामबहादुर रावलले प्रधानमन्त्री कार्कीले भर्खरै सम्पन्न प्रतिनिधिसभाको निर्वाचनमा पराजय भोगेपछि कांग्रेस नेताहरूलाई निराश नहुन पनि आग्रह गरेको बताए ।