राष्ट्रिय
समाचार.
- नेपाल कोलोम्बोमा सुरु भएको काभा यू-१९ महिला भलिबल च्याम्पियनसिपमा कीर्गिस्तानसँग ३-२ को सेटमा पराजित भएको छ।
- नेपालले खेलमा २-१ को अग्रता बनाएपनि अन्तिम दुई सेट गुमाउँदै हार व्यहोरेको हो।
- कीर्गिस्तानले २ अंक जोड्दा नेपालले १ अंक पाएको छ ।
१८ कात्तिक, काठमाडौं । श्रीलंकाको कोलोम्बोमा मंगलबारदेखि सुरु भएको काभा यू-१९ महिला भलिबल च्याम्पियनसिपमा नेपाल पहिलो खेलमा पराजित भएको छ ।
कोलोम्बोस्थित सुगाथादासा स्पोर्ट्स कम्प्लेक्समा भएको निकै प्रतिस्पर्धात्मक नेपाल कीर्गिस्तानसँग ३-२ को सेटमा पराजित भएको हो ।
नेपालले कुनै समयमा खेलमा २-१ को अग्रता बनाएपनि त्यसपछि लय कायम नराख्दा अन्तिम दुई सेट गुमाउँदै हार व्यहोरेको हो ।
पहिलो सेट नेपाल २५-२२ ले आफ्नो पक्षमा पार्दै खेलमा अग्रता लिएको थियो । तर दोस्रो सेट कीर्गिस्तानले २५-१४ ले आफ्नो पक्षमा पार्दै खेल बराबरी गर्यो ।
तेस्रो सेट नेपालले २५-१८ आफ्नो पक्षमा पार्दै खेलमा खेलमा २-१ को अग्रता बनायो ।
नेपाललाई बाँकी दुई मध्ये एक सेट जितेपनि खेल जित्ने अवसर थियो । तर प्रतिस्पर्धात्मक चौथो सेट कीर्गिस्तानले २५-२२ ले आफ्नो बनाउँदै खेल पाँचौ सेटमा पुर्यो ।
पाँचौ तथा निर्णायक सेट कीर्गिस्तानले १५-९ ले सहजै जितेर खेल जित्यो ।
जितपछि कीर्गिस्तानले २ अंक जोड्दा पराजित भएपनि नेपालले १ अंक पाएको छ ।
यसअघि मंगलबारै भएको पहिलो खेलमा श्रीलंकाले माल्दिभ्सलाई सोझो सेटमा हराएर ३ अंक जोडेको छ ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More