काठमाडौं, चैत २८
पूर्वप्रधानमन्त्री तथा नेकपा एमालेका अध्यक्ष केपी शर्मा ओलीलाई बिहानै पक्राउ परेपछि स्वास्थ्य परीक्षणका लागि शुक्रबार त्रिभुवन विश्वविद्यालय शिक्षण अस्पताल लगिएको छ ।
अस्पतालका प्रवक्ता डा गोपाल सेढाईले ओलीको आकस्मिक वार्डमा रगत परीक्षण र एक्स–रेलगायतका परीक्षण भइरहेको बताए । “रिपोर्ट आएपछि थप कारबाही हुन्छ,” उनले भने।
ओलीलाई शुक्रबार बिहान भक्तपुरको गुण्डुबाट पक्राउ गरी अस्पताल पुर्याउनुअघि जिल्ला प्रहरी परिसर भद्रकालीमा केहीबेर राखिएको थियो।
पूर्व गृहमन्त्री रमेश लेखकलाई पनि भक्तपुरस्थित उनको निवासबाट पक्राउ गरी अनुसन्धानका लागि काठमाडौं लगिएको थियो।
सेप्टेम्बरमा भएको आन्दोलनको छानबिन गर्ने र फौजदारी कानून बमोजिम कानुनी कारबाही गर्न सुझाव दिने पूर्वन्यायाधीश गौरीबहादुर कार्कीको नेतृत्वमा गठित छानबिन आयोगको सिफारिसमा दुवै नेतालाई पक्राउ गरिएको हो। “कानूनभन्दा माथि कोही छैन, यो बदला होइन न्यायको सुरुवात हो,” उनले अब देश नयाँ दिशामा अघि बढ्ने विश्वास व्यक्त गर्दै भने।
काठमाडौं उपत्यका अपराध अनुसन्धान कार्यालयको प्रहरी टोलीले बिहानै भक्तपुरको सूर्यविनायक नगरपालिकाबाट पक्राउ गरेको हो ।