काठमाडौं, जुन १७
जर्मनीले नेपालसँग विकास सहयोग सुदृढ गर्ने आफ्नो प्रतिबद्धतालाई दोहोर्याउँदै आगामी दुई वर्षमा नेपाललाई प्राविधिक तथा आर्थिक सहयोगका लागि ३७.६ मिलियन युरो दिने प्रतिबद्धता जनाएको छ।
मंगलबार काठमाडौंमा भएको नेपाल–जर्मनी विकास सहयोगसम्बन्धी द्विपक्षीय वार्ताका क्रममा उक्त सहयोगको घोषणा गरिएको हो।
नेपालस्थित संघीय गणतन्त्र जर्मनीको दूतावासका अनुसार ऊर्जा, दिगो आर्थिक विकास र स्वास्थ्य क्षेत्रमा सहकार्यलाई प्राथमिकतामा राख्न दुवै देश सहमत भएका छन्।
नेपाली प्रतिनिधिमण्डलको नेतृत्व अर्थ मन्त्रालयको अन्तर्राष्ट्रिय आर्थिक सहायता समन्वय महाशाखाका प्रमुख धनिराम शर्माले गर्नुभएको थियो भने जर्मन पक्षको नेतृत्व जर्मनीको संघीय आर्थिक सहयोग तथा विकास मन्त्रालय (BMZ) मा दक्षिण एसिया महाशाखा प्रमुख बारबरा सेफरले गर्नुभएको थियो । बिजुली वितरण प्रणाली, हरित र लचिलो कृषि समर्थन, राजस्व प्रशासन सुधार, गुणस्तर पूर्वाधार विकास, लैङ्गिक समानता को विकास र वित्तीय पहुँच र दिगो आर्थिक अवसरहरु को विस्तार।