त्रिपुरासुन्दरी सडक आयोजना अनियमिततामा अख्तियारले आठ विरुद्ध मुद्दा दायर गर्‍यो – KhabarHost

काठमाडौं, मंसिर १०

अख्तियार दुरुपयोग अनुसन्धान आयोगले डोल्पाको त्रिपुरासुन्दरी नगरपालिकाका तत्कालीन प्रमुख प्रशासकीय अधिकृतसहित आठ जनाविरुद्ध आज विशेष अदालतमा मुद्दा दायर गरेको छ ।
अख्तियारका अनुसार त्रिपुरासुन्दरी नगरपालिकाका तत्कालीन कार्यवाहक प्रमुख प्रशासकीय अधिकृत लालप्रसाद पोखरेल, इन्जिनियर कर्णबहादुर कार्की, प्रशासनिक अधिकृत हिरचन्द्र धराला, शिक्षा अधिकारी भीमबहादुर थापा, वरिष्ठ लेखा सहायक रुपचन्द्र बुढा र एमआईएस सञ्चालक विचन्द्रा चन्द्राको नाम अभियोगपत्रमा छ । आर्थिक वर्ष २०७८/७९ मा नगरपालिकाको वडा नं ५ को खडाङदेखि ल्हासम्मको सडक स्तरोन्नति आयोजनामा आर्थिक अनियमितता गरेको आरोप अख्तियारका प्रवक्ता राजेन्द्रकुमार पौडेलले जानकारी दिनुभयो ।

आयोजनाको खरिद प्रक्रियाको मूल्याङ्कनमा संलग्न बोलपत्र मूल्याङ्कन समितिका सदस्य शिशिरकुमार गुरुङ, दिव्यनिर्माण सेवा प्रा. लि., दुनै, डोल्पा र निर्माण कम्पनीका भीमराज न्यौपानेलाई पनि प्रतिवादीमा परेको छ।

अख्तियार दुरुपयोग अनुसन्धान आयोगले भ्रष्टाचार निवारण ऐन, २०५९ को दफा १७ बमोजिमको कसुरमा अभियुक्तसँग रु ५,५८९,०६३ जरिवाना मागेको छ।