काठमाडौं । ललितपुरको पाटन कृष्ण मन्दिर अगाडि प्रदर्शन गरिएको ऐतिहासिक कात्तिकनाचका क्रममा सोमबार राति हिरण्यकशिपु वध प्रदर्शन गरिएको छ ।
यस नाचमा नरसिंह अवतारमा रहेका पात्रले हिरण्यकशिपु पात्रको वध गरेको क्षण सबैभन्दा बढी आकर्षक मानिन्छ ।
कात्तिकनाच संरक्षण समितिका अध्यक्ष किरण चित्रकारका अनुसार हिरण्यकशिपुका वध गरेपछि कलाकारले होस गुमाउँछन् । यो क्षण नै दर्शकका लागि सबैभन्दा चाखलाग्दो बन्ने गरेको छ ।
विष्णुभक्त छोरो प्रह्लादलाई हिरण्यकशिपु दैत्यले मार्न अनेक कोसिस गरेको तर उल्टै नरसिंह अवतारमा विष्णुले नै हिरण्यकशिपुलाई मारेको धार्मिक कथालाई कात्तिक नाचको क्रममा हरेक वर्ष प्रदर्शन गरिन्छ ।
विसं १६९७ (नेसंं ७६१) मा ललितपुरका राजा सिद्धिनरसिंह मल्लले कात्तिकनाच सुरु गरेको र ललितपुरका तत्कालीन राजा श्रीनिवास मल्लले जनतालाई नैतिक शिक्षा दिनका लागि कात्तिकनाच देखाउने गरेको इतिहासमा पढ्न पाइन्छ ।
धार्मिक र तान्त्रिक महत्वसँग जोडिएको यो नाच ५० वर्ष अघिसम्म एक महिनासम्म चल्ने गरेकोमा हाल १० दिनसम्म मात्र चल्दछ ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More