काठमाडौं, मंसिर २८
काठमाडौंका विभिन्न स्थानबाट प्रहरीले पेस्तोल एक, रिभल्भर र गोलीसहित पाँच जनालाई पक्राउ गरेको छ । काठमाडौं महानगरपालिका–२८ बागबजार निवासी २५ वर्षीय निकेश विक, मूलतः बागमती गाउँपालिका–७, मकवानपुरका हुन् । सुरज विक, २५; र काठमाडौं महानगरपालिका–२८ भृकुटीमण्डपमा बस्ने २५ वर्षीय बालकृष्ण गैरे मूल ढोरपाटन नगरपालिका–३ बागलुङका हुन् ।
तीनै जनालाई हातहतियार तथा खरखजाना ऐन अन्तर्गत अनुसन्धानका लागि जिल्ला प्रहरी परिसर काठमाडौं पठाइएको छ। बिहीबार पनि काठमाडौं महानगरपालिका–२१ लगन बस्ने भारतको बिहारका १६ वर्षीय युवकलाई रिभल्भरसहित पक्राउ गरिएको छ । जनसेवा प्रहरी वृत्तबाट खटिएको प्रहरी टोलीले कोठामा खोजीका क्रममा उक्त हतियार फेला पारेको हो ।
सबै घटनामा अनुसन्धान भइरहेको प्रहरीले जनाएको छ ।