News Summary
Generated by OK AI. Editorially reviewed.
- कर्णाली याक्स स्पोर्ट्स प्रालि र नेबिको लिमिटेडबीच नेपाल प्रिमियर लिगको दोस्रो संस्करणका लागि सह-प्रायोजन सम्झौता भएको छ।
- सम्झौता कार्यक्रममा कर्णाली याक्सका निर्देशक गृहेन्द्र घिमिरे र नेबिकोका अशोक पोखरेलले हस्ताक्षर गरेका थिए।
- एनपीएल दोस्रो संस्करण मंसिर १ देखि २७ सम्म हुँदैछ र कर्णालीले ज्ञानेन्द्र मल्ललाई प्रशिक्षकमा राखेको छ।
३० असोज, काठमाडौं । नेपाल प्रिमियर लिग (एनपीएल) फ्रेन्चाइज टिम कर्णाली याक्स स्पोर्ट्स प्रालि र नेबिको लिमिटेडबीच सह-प्रायोजनका लागि सम्झौता भएको छ ।
बिहीबार याक एण्ड यति होटलमा आयोजित कार्यक्रममा कर्णाली याक्सका प्रवन्ध निर्देशक गृहेन्द्र घिमिरे र नेबिकोका अशोक पोखरेल सम्झौता पत्रमा हस्ताक्षर गरे ।
अब दोस्रो संस्करणको एनपीएलमा नेबिको कर्णाली याक्सको सह प्रायोजकको रुपमा रहनेछ ।
सम्झौता अनुसार नेबिकोले कर्णाली याक्सका खेलाडीहरुका लागि नगद रकमसँगै आफ्ना प्रोडक्टहरु उपलब्ध गराउनेछ । तर सम्झौता रकम भने खुलाइएको छैन ।
सम्झौता कार्यक्रमा नेबिकोका सिइओ होम न्यौपाने र मार्केटिङ हेड अरुन पौडेल तथा कर्णाली याक्सका कन्सल्ट्यान्ट प्रशिक्षकमा राजु बस्नेत उपस्थित थिए ।
कर्णालीका निर्देशक घिमिरेले देशको विषम परिस्थितिमा क्रिकेटले नेपालीलाई जोड्ने काम गरिरहेको बताउदै एनपीएल हुन लागेकाेमा खुसी व्यक्त गरे । यस्तै घिमिरेले नेबिकोसँगको सहकार्यले टोलीको हौसला बढेको बताए । ‘विषम परिस्थितीमा पनि क्रिकेटले सबैलाई जोड्ने प्रयास गरेको छ । खेल त्यस्तो माध्यम हो जसले सबैलाई एकजुट बनाउँछ । नेबिको बिस्कुटला२ सह प्रायोजकको रुपमा पाउँदा खुशी छौँ ।’ घिमिरेले भने ।
नेबिकोका सिइओ न्यौपानेले नेपाली क्रिकेटको भविस्य उज्वल रहेको र कर्णालीमार्फत एनपीएलसँग जोडिन पाउँदा हर्षित भएको प्रतिक्रिया दिए । उनले उत्पादनमा ६ दशक पूरा गरेको बताउँदै यो सहकार्यले व्यवसायीक यात्रा सहयोग पुर्याउने विश्वास व्यक्त गरे । ‘क्रिकेट अहिले राष्ट्रिय पहिचान जस्तै बनेको छ । एनपीएलमा कर्णाली याक्ससँग जोडिन पाउँदा खुशी छौँ ।’
नेबिकोले सन् १९६४ देखि नेपाली बजारमा बिस्कुट, कुकिजजस्ता खाद्यन्न उत्पादन गरिरहेको छ ।
गत वर्ष भएको पहिलो संस्करणमा कर्णाली याक्सले दोस्रो क्वालिफायरसम्म पुग्दै तेस्रो भएको थियो ।
दोस्रो संस्करणमा पनि कर्णालीले ज्ञानेन्द्र मल्ललाई नै प्रशिक्षकमा निरन्तरता दिएको छ । टोलीको कन्सल्ट्यान्ट प्रशिक्षकमा राजु बस्नेत छन् ।
कर्णालीले मार्की सोमपाल कामीसँगै गुल्सन झा, नन्दन यादव, विपिनप्रसाद शर्मा, दीपेन्द्र रावत, अर्जुन घर्ती र युनिससिंह ठकुरीलाई रिटेन गरेको छ ।
एनपीएलको दोस्रो संस्करण आगामी मंसिर १ देखि २७ सम्म हुँदैछ ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More