News Summary
Generated by OK AI. Editorially reviewed.
- कालीमाटी फलफूल तथा तरकारी बजार विकास समितिले सोमबारका लागि आलुको मूल्य बढेको मूल्यसूची सार्वजनिक गरेको छ।
- रातो आलुको थोक मूल्य न्यूनतम ६८ देखि अधिकतम ७० रुपैयाँ र सेतो आलुको मूल्य न्यूनतम ५७ देखि अधिकतम ६० रुपैयाँ कायम छ।
- एक महिनामा रातो आलुको मूल्य प्रतिकिलो १८ रुपैयाँ र सेतो आलुको मूल्य १९ रुपैयाँले बढेको तथ्यांकले देखाउँछ।
१० कात्तिक, काठमाडौं । स्थानीय बजारमा आलुको मूल्य बढेको छ । कालीमाटी फलफूल तथा तरकारी बजार विकास समितिले सोमबारका लागि निर्धारण गरेको मूल्यसूची अनुसार आलुको मूल्य बढेको देखिएको हो ।
बजारमा रातो, सेतो गरी दुई प्रकारका आलु किन्न पाइन्छ । त्यसमध्ये रातो आलु भारतीय पनि बजारमा आउँछ ।
आज सोमबार कालीमाटी बजारमा रातो आलु प्रतिकिलो थोकमा न्यूनतम ६८ देखि अधिकतम ७० रुपैयाँमा किनबेच भइरहेको छ । औसत मूल्य भने ६९ रुपैयाँ रहेको छ । हिजो आइतबार रातो आलु ६७ देखि ७० रुपैयाँमा किनबेच भएको थियो ।
यस्तै भारतीय रातो आलु हिजो आइतबार प्रतिकिलो थोकमा न्यूनतम ३४ देखि अधिकतम ३६ र औसत ३५ रुपैयाँमा किनबेच भएकामा आज न्यूनतम ३६ देखि अधिकतम ३८ रुपैयाँमा किनबेच भइरहेको छ ।
सेतो आलुको पनि मूल्य बढेको छ । सेतो आलु प्रतिकिलो थोकमा न्यूनतम ५७ देखि अधिकतम ६० रुपैयाँ कायम छ । औसत मूल्य भने ५८ रुपैयाँ छ । हिजो सेतो आलु प्रतिकिलो थोकमा न्यूनतम ५५ देखि अधिकतम ५८ रुपैयाँमा किनबेच भएको थियो ।
एक महिनामा आलुको मूल्य ३५ प्रतिशत बढेको छ । रातो आलु प्रतिकिलो मूल्य एक महिनामा १८ रुपैयाँ बढेको छ । १० असोजमा औसतमा प्रतिकिलो ५१ रुपैयाँमा किनबेच भएको रातो आलु १० कात्तिकमा ६९ रुपैयाँ पुगेको छ ।
यस्तै सेतो आलुको मूल्य पनि बढेको तथ्यांकले देखाउँछ । एक महिना अवधिमा सेतो आलुको मूल्य प्रतिकिलो १९ रुपैयाँ बढेको छ ।