काठमाडौं, अक्टोबर २८
आज प्रतिकूल मौसमका कारण उडान केही हदसम्म प्रभावित भएका छन् ।
त्रिभुवन अन्तर्राष्ट्रिय विमानस्थल (TIA) मा आन्तरिक र अन्तर्राष्ट्रिय उडानहरू प्रतिकूल मौसमका कारण भिजिबिलिटी कम भएकाले ढिलाइ भएको त्रिभुवन अन्तर्राष्ट्रिय विमानस्थलका महाप्रबन्धक हंसराज पाण्डेले बताए। जसका कारण केही समय अन्तर्रा्ष्ट्रिय उडान स्थगन गर्नुपरेको थियो।
लुक्लाको तेन्जिङ हिलारी विमानस्थल, हुम्लाको सिमिकोट विमानस्थल र हिमाली क्षेत्रका अन्य विमानस्थलमा हुने उडानमा सामान्य असर परेको बताइएको छ ।
खराब मौसमका कारण अहिले विमानस्थलमा इन्स्ट्रुमेन्ट फ्लाइट रुल्स (आईएफआर) उडान मात्र भइरहेको पाण्डेले बताए।
केही उडान ढिलो भए पनि रद्द गर्नुपर्ने अवस्था नरहेको उनले बताए। निश्चित हवाई रुटका कारण उडानमा सामान्य चाप बढेको छ।
मौसम पूर्वानुमान महाशाखाका अनुसार काठमाडौं उपत्यकाको आकाश बिहानैदेखि बादल लागेको छ।