काठमाडौं, ७ मे
नेपालको सबैभन्दा पुरानो पत्रिका गोरखापत्रको प्रकाशन भएको वार्षिकोत्सवको अवसरमा आज विभिन्न कार्यक्रम गरी राष्ट्रिय पत्रकारिता दिवस मनाइँदै छ।
गोरखापत्र विसं १९५८ साल (सन् १९०१) वैशाख २४ गतेबाट प्रकाशन सुरु भयो। प्रेस स्वतन्त्रता, पेशागत सुरक्षा र जिम्मेवार पत्रकारिताको प्रवर्द्धन गर्न सरकारले २०७३ सालदेखि औपचारिक रुपमा राष्ट्रिय पत्रकारिता दिवस मनाउन थालेको हो।
यस अवसरमा सञ्चार तथा सूचना प्रविधि मन्त्रालयले राष्ट्रपति कार्यालयमा विशेष समारोहको आयोजना गरी राष्ट्रिय पत्रकारिता पुरस्कार तथा वरिष्ठ पत्रकारिता पुरस्कार प्रदान गरेको हो ।
यस अवसरमा राष्ट्रपति रामचन्द्र पौडेल, उपराष्ट्रपति रामसहायाप्रसाद यादव, प्रधानमन्त्री बालेन्द्र शाहलगायत वरिष्ठ अधिकारीहरूले सञ्चार जगतमा शुभकामना व्यक्त गरेका छन्।